Vaidrity

 బంధమునకు గాని మోక్షమునకు గాని మనస్సే కారణము. మనస్సు చంచలముగ ఉంటే బంధము నిశ్చలముగ ఉంటే మోక్షము లభిస్తాయి. బ్రహ్మజ్ఞాని విపత్కర అప్రియ సందర్భాలలో దుఖించడు. అలాగే ఎటువంటి సౌఖ్యప్రదములయందు ఉప్పొంగడు. ఈ ప్రపంచం స్వప్న తుల్యముగ భావిస్తారు.  వారు అన్ని జీవరాశులయందు సమ భావము కల్గి ఉంటారు.  (In the state of equilibrium) జ్ఞానికి అజ్ఞానికి గల బేధం వారి నడవడిలోనే తెలిసిపోతుంది.   నేత్రములు కలవారికి లేనివారికి నడకయందు ఎట్లు తేడా ఉండునో అట్లే జ్ఞానికి అజ్ఞానికి బేధము ఉంటుంది.  ఆత్మ నిలకడగ ఉండవలెనన్న బాహ్య విషయములనుండి మనస్సును మరల్చాలి.  ఆత్మ జ్ఞానము గలవారు సుఖ - దుఖ్ఖ ములయందు సమభావము కలిగియుందురు. సమదృష్టి వైరాగ్యానికి చివరి మెట్టు.  భావములోన బాహ్యమునందున గోవింద గోవింద అని కొలువుము మనసా అని అన్నమయ్య అన్నారు   కాలము నితనిరూపే కర్మము నితనిరూపే  యేలి యాచార్యుడు చెప్పినదితనిరూపే శ్రీలలనాపతి శ్రీవేంకటేశ్వరుడే పాలించగాగంటి నే నీపరమాత్ముని రూపే.

 ఆత్మ స్వయం ప్రకాశమైనది.  అది జీవుని అజ్ఞానం చేత కప్పబడినదై, భావింపకూడనివానియందు లగ్నమై అన్నిటియందు తానే కర్తగ భావిస్తూ దుఖిస్తున్నది. ప్రకాశవంతమైన సూర్యుడు దట్టమైన మబ్బులచే కప్పబడినట్టుగా అంధకారములో ఉంటుంది. కానీ బలమైన గాలివీచి మబ్బులు తొలగి సూర్యుడు ఎట్లు ప్రకాశించునో అట్లే  జీవుడు కర్మ జ్ఞానము పొంది ఆత్మ ప్రకాశము బడయగలడు. దీపముపై కుండ బోర్లించిన జ్యోతి కనపడదు. కుండను బద్దలుకొడితే తేజోప్రకాశమైన జ్యోతి కనిపిస్తుంది.   Each soul is potently devine. ఆత్మ యందే బుద్ధికలవారై దానియందే మనస్సు లగ్నం చేసి, నిష్ఠతో తదేకపరాయణులై ప్రవర్తించాలి. కర్మ ఫలాన్ని ఆశించక, కర్మఫల సన్యాసులై ధర్మకార్యాచరణ, పరోపకార తత్పరులై భగవధ్యానమందు ఉన్నవారికి మోక్షము లభించుననుటలో సందేహము లేదు.               ఎంత కందినదో కరము కొండ మోసి              ఎంత నలిగినదో కరపద్మము బండిలాగి                కాపడము పెట్టెద కరమునందించు తండ్రీ                నీ అడుగుల కడ పడి ఉందు చిన్నికృష్ణా!  అని భగవధ్యానమునందు మనసును లగ్నము చేసి నట్లైన మోక్షము లభించగలదు.